ବରପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଡାକ୍ତର ନିଯୁକ୍ତି ଦାବୀ କଲା ଆମ୍ ଆଦମୀ ପାର୍ଟି...
ବରପାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଡାକ୍ତର ନିଯୁକ୍ତି ଦାବୀ କଲା ଆମ୍ ଆଦମୀ ପାର୍ଟି...
Ad..
ଏଠାରେ ସ୍ଥାୟୀ ଡାକ୍ତର ନିଯୁକ୍ତି ଦାବୀ ରେ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଙ୍କୁ ସମ୍ବୋଧନ କରି ଆପ୍ ପକ୍ଷରୁ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ର ମେଡ଼ିକାଲ ଅଫିସର ଙ୍କୁ ଦାବିପତ୍ର ପ୍ରଦାନ କରାଯାଇଛି ।
ଲକ୍ଷାଧିକ ଲୋକଙ୍କ ଏକମାତ୍ର ସରକାରୀ ସ୍ୱାସ୍ଥ୍ୟ ସେବା ର ଜରିଆ ହୋଇଥିବା ସିଏଚସି ରେ ନିୟମିତ ସ୍ପେସାଲିଷ୍ଟ ଡାକ୍ତର ଯଥା ମେଡ଼ିସିନ,ସର୍ଜରୀ ଭଳି ଗୁରୁତ୍ୱପୂର୍ଣ୍ଣ ବିଭାଗର ଡାକ୍ତର ନାହାନ୍ତି ।
ଅନ୍ୟପଟେ ଶିଶୁ ଓ ସ୍ତ୍ରୀ ବିଶେଷଜ୍ଞ ଡାକ୍ତର ନାମକୁ ମାତ୍ର କାମଚଲା ହୋଇ ଥିବାରୁ ଏବଂ ଅନେକ ଅନଭିଜ୍ଞ ଡାକ୍ତରଙ୍କୁ ଜରୁରୀ ଡିୟୁଟି ଦିଆ ଯାଉଥିବାରୁ ଅଂଚଳର ସ୍ୱାସ୍ଥ୍ୟ ସେବା ଏକ ରକମ ଠପ ହୋଇପଡିଛି । ତେଣୁ ଏହି ଡାକ୍ତର ମାନଙ୍କୁ ତୁରନ୍ତ ନିଯୁକ୍ତ କରିବାକୁ ଆପ୍ ଦାବୀ କରିଛି ।
ସେହିପରି ରୋଗୀ ମାନଙ୍କ ରୋଗ ପରୀକ୍ଷା ପାଇଁ ବ୍ୟବହାର ହେଉଥିବା ଅଲ୍ଟ୍ରା ସାଉଣ୍ଡ, ଡିଜିଟାଲ ଏକ୍ସ ରେ, ଇସିଜି ଭଳି ମେସିନ ନଥିବା ରୁ ଚିକିତ୍ସା ସେବା ଉପରେ ପ୍ରଶ୍ନବାଚୀ ସୃଷ୍ଟି କରୁଛି । ଯଦିଓ ଏହି ଡାକ୍ତରଖାନା ଟି ୫ଟି ଅଧିନ ରେ ଅଛି ଏବଂ ମୁଖ୍ୟମନ୍ତ୍ରୀଙ୍କ ବିଧାନସଭା ଅନ୍ତର୍ଗତ ହୋଇ ଥିବା ସତ୍ତ୍ୱେ ଏଠାରେ ଅବ୍ୟବସ୍ଥା ଲାଗି ରହିଥିବା ଦୁଃଖ ର କଥା ବୋଲି ଜିଲ୍ଲା ଆବାହକ ଭବାନୀ ସାହୁ କହିଛନ୍ତି ।
ରୋଗୀ ମାନଙ୍କୁ ସମସ୍ତ ଔଷଧ ନିରାମୟ କାଉଣ୍ଟର ରୁ ମିଳି ପାରୁ ନି ଓ ବାହାରୁ କିଣିବାକୁ କୁହାଯାଇଛି ବୋଲି ଅମିତାଭ ପାତ୍ର ଅଭିଯୋଗ କରିଛନ୍ତି । ହସ୍ପିଟାଲରେ ସ୍ୱଚ୍ଛତା ରହୁନଥିବାରୁ ମଶା, ମାଛି ଅତ୍ୟଧିକ ହେଉଥିବା ଆପ୍ ସଦସ୍ୟ ମାନେ ଅଭିଯାଗ କରିଛନ୍ତି । ଅନ୍ୟମାନଙ୍କ ମଧ୍ୟରେ ଶ୍ରୀରାମ ସାହୁ, ପଦ୍ମ ଲୋଚନ ପଣ୍ଡା, ଶ୍ୟାମ ସୁନ୍ଦର ରାଉତ, ରାମଚନ୍ଦ୍ର ବିଶ୍ୱାଳ ଓ ଅନ୍ୟମାନେ ଉପସ୍ଥିତ ଥିଲେ ।
Report : Bijay ku sahu
Edited by k.s thakur...
Comments
Post a Comment