ଜିଲ୍ଲାପାଳ ଶ୍ରୀମତୀ ମୋନିଷା ବାନାର୍ଜୀ ଙ୍କ ଅଧକ୍ଷତା ରେ ଜିଲ୍ଲାସ୍ତରୀୟ ସର୍ବଦଳୀୟ ବୈଠକ ଅନୁଷ୍ଠିତ...
ଜିଲ୍ଲାପାଳ ଶ୍ରୀମତୀ ମୋନିଷା ବାନାର୍ଜୀ ଙ୍କ ଅଧକ୍ଷତା ରେ ଜିଲ୍ଲାସ୍ତରୀୟ ସର୍ବଦଳୀୟ ବୈଠକ ଅନୁଷ୍ଠିତ...
Ad..
ଜିଲ୍ଲାପାଳଙ୍କ ସମ୍ମିଳନୀ କକ୍ଷ ରେ ଅନୁଷ୍ଠିତ ଏହି ବୈଠକ ରେ ବିଭିନ୍ନ ରାଜନୈତିକ ଦଳ ର ପ୍ରତିନିଧି, ଅତିରିକ୍ତ ଜିଲ୍ଲାପାଳ ମିର୍ଦ୍ଧା ଟପୋ, ଉପଜିଲ୍ଲାପାଳ ବରଗଡ ଲଲାଟ ଲୁହା, ପଦ୍ମପୁର ସଦାକର କୁମ୍ଭାର ଯୋଗଦେଇ ଆଲୋଚନା ରେ ଅଂଶଗ୍ରହଣ କରିଥିଲେ ।
ଜୁଲାଇ 21 ତାରିଖ ଠାରୁ ଭୋଟର ତାଲିକା ସଂଶୋଧନ ନିମିତ୍ତ ଘରକୁ ଘର ସର୍ଭେ ଚାଲିଛି । ଏହା ଅଗଷ୍ଟ 21 ତାରିଖ ପର୍ଯ୍ୟନ୍ତ ଚାଲିବ। ଗତ ସାଧାରଣ ନିର୍ବାଚନ ସମୟରେ 2011 ମସିହା ର ଜନଗଣନା ଅନୁଯାୟୀ ଭୋଟର ତାଲିକା ପ୍ରସ୍ତୁତ ହୋଇଥିଲା। ଏହା ଭିତରେ 10 ବର୍ଷ ରୁ ଅଧିକ ସମୟ ଅତିବାହିତ ହୋଇଛି ,ଲୋକସଂଖ୍ୟା ବଢିଛି । ସ୍ଥାନ ପରିବର୍ତ୍ତନ ଓ ମୃତ୍ୟୁ ଆଦି ଘଟଣା ମଧ୍ୟ ଘଟିଛି ।
ଏ ସବୁକୁ ଦୃଷ୍ଟି ରେ ରଖି ସରକାର ଏକ ନିର୍ଭୁଲ ଭୋଟର ତାଲିକା ପ୍ରସ୍ତୁତି ନିମନ୍ତେ ବିଭିନ୍ନ ପଦକ୍ଷେପ ନେଇଛନ୍ତି । ସମସ୍ତ ଜନସାଧାରଣଙ୍କ ଗଣତାନ୍ତ୍ରିକ ଅଧିକାର କୁ ସୁରକ୍ଷିତ ରଖି ଏକ ତ୍ରୁଟି ଶୂନ୍ୟ ଭୋଟର ତାଲିକା ପ୍ରସ୍ତୁତି ପାଇଁ ଜିଲ୍ଲାପାଳ ଶ୍ରୀମତୀ ବାନାର୍ଜୀ ଗୁରୁତ୍ୱ ଆରୋପ କରିଛନ୍ତି ।
ଆଗାମୀ 1.1.24 କୁ ଯେଉଁ ମାନଙ୍କ ବୟସ 18 ବର୍ଷ ପୁରା ହୋଇ ଯାଉଛି ସେମାନେ ଏବେ ଠାରୁ ତାଙ୍କର ନାମ ତାଲିକା ଭୁକ୍ତ ପାଇଁ ଆବେଦନ କରି ପାରିବେ। ନୂତନ ନାମ ତାଲିକା ଭୁକ୍ତ ପାଇଁ 6 ନମ୍ବର ଫର୍ମ, ମୃତ୍ୟୁ କିମ୍ବା ସ୍ଥାନାନ୍ତର କ୍ଷେତ୍ର ରେ ନାମ କାଟିବା ପାଇଁ 7 ନମ୍ବର ଫର୍ମ, କୌଣସି ସଂଶୋଧନ ପାଇଁ 8 ନମ୍ବର ଫର୍ମ ମାଧ୍ୟମରେ ଆବେଦନ କରି ପାରିବେ। ଏହି ଆବେଦନ ମୋବଇଲ ଆପ ମାଧ୍ୟମରେ, ଜନସେବା କେନ୍ଦ୍ର ଦ୍ୱାରା କିମ୍ବା ନିଜ ବୁଥ ଅଧିକାରୀଙ୍କ ନିକଟକୁ ଯାଇ କରି ପାରିବେ ।
ବିଶେଷ ଭାବରେ ସ୍କୁଲ ଓ କଲେଜ ସ୍ତରରେ ନୂଆ ଭୋଟର ବେଶୀ ଥିବାରୁ ଜିଲ୍ଲା ର ବିଭିନ୍ନ ସ୍ଥାନ ରେ electoral literacy କ୍ଳବ ଗଠନ କରାଯାଇ ଛାତ୍ର ଛାତ୍ରୀ ମାନଙ୍କୁ ସଚେତନ କରାଯାଉଛି। ସ୍ଥାନୀୟ ପ୍ରସିଦ୍ଧ କଳାକାର, ଷ୍ଟାର ପ୍ରଚାରକ ମାଧ୍ୟମରେ ସଚେତନତା ସୃଷ୍ଟି କରିବା ପାଇଁ ଯୋଜନା ତିଆରି କରାଯାଇଛି ।
ଏତଦବ୍ୟତୀତ ଭୋଟର ମାନଙ୍କ ସୁବିଧା ନିମିତ୍ତ ବୁଥ ର ନାମ ପରିବର୍ତ୍ତନ, ସ୍ଥାନ ପରିବର୍ତ୍ତନ, ଦୂରତା ଦୃଷ୍ଟି ରୁ 6 କି. ମି. କିମ୍ବା ଅଧିକ ଥିଲେ , କୌଣସି ପ୍ରାକୃତିକ ପ୍ରତିବନ୍ଧକ ଥିଲେ , ଅନ୍ୟ କୌଣସି ଅସୁବିଧା ଥିଲେ ସେ କ୍ଷେତ୍ରରେ ନୂଆ ବୁଥ ର ପ୍ରସ୍ତାବ ମଧ୍ୟ ସରକାରଙ୍କ ଅନୁମୋଦନ ନିମନ୍ତେ ପଠାଯିବ।
ଏ ସମ୍ପର୍କ ରେ ଉଭୟ ଉପଜିଲ୍ଲାପାଳ ସେମାନଙ୍କ ନିର୍ବାଚନ ମଣ୍ଡଳୀ ସମ୍ପର୍କ ରେ ଥିବା ପ୍ରସ୍ତାବ ବିଷୟରେ ରାଜନୈତିକ ପ୍ରତିନିଧିମାନଙ୍କ ନିକଟରେ ଉପସ୍ଥାପନା କରିଥିଲେ ।
ଯଦି ଅନ୍ୟ କୌଣସି ଉଚିତ ପ୍ରସ୍ତାବ ଥାଏ ତାହା ପ୍ରଶାସନକୁ ଜଣାଇବା ପାଇଁ ଜିଲ୍ଲାପାଳ ସୂଚନା ଦେଇଥିଲେ।
" ମୁଁ ବି ମିତା " ମାସ୍କଟ ମାଧ୍ୟମରେ କଲେଜ ଛାତ୍ରଛାତ୍ରୀ ଯିଏ କି ନୂତନ ଭୋଟର ହେବାକୁ ଯାଉଛନ୍ତି ସେମାନଙ୍କୁ ତାଲିକା ଭୁକ୍ତ ପାଇଁ ଆକୃଷ୍ଟ କରା ଯାଉଛି। ସର୍ବୋପରି ଏକ ସଠିକ ଭୋଟର ତାଲିକା ପ୍ରସ୍ତୁତି ନିମିତ୍ତ ଜିଲ୍ଲା ପ୍ରଶାସନ ତରଫରୁ ସମସ୍ତ ରାଜନୈତିକ ଦଳ ର ପ୍ରତିନିଧି ମାନଙ୍କ ସହଯୋଗ କାମନା କରିଥିଲେ ଜିଲ୍ଲାପାଳ।
ଏହି ବୈଠକ ରେ ବିଜୁ ଜନତା ଦଳର ଡ. ପ୍ରଭାସ ସିଂ, କଂଗ୍ରେସ ଦଳର ପାଣ୍ଡଵ କର୍ଣ୍ଣ, ଭାରତୀୟ ଜନତା ପାର୍ଟି ର ରବିନାରାୟଣ ଦାଶ,ବହୁଜନ ସମାଜ ପାର୍ଟି ର ଜୟରାମ ବାଗ,ଆମ ଆଦମୀ ପାର୍ଟି ର ସ୍ୱରୂପ କୁମାର ଭୋଇ ଉପସ୍ଥିତ ରହି ଆବଶ୍ୟକୀୟ ନୂତନ ବୁଥ ନାମ ପରିବର୍ତ୍ତନ ଓ ସ୍ଥାନାନ୍ତରଣ ଆଦି ର ସୂଚନା ଦେଇଥିଲେ। ଅତିରିକ୍ତ ଜିଲ୍ଲା ପାଳ ଶ୍ରୀ ଟପ୍ପୋ ଧନ୍ୟବାଦ ଅର୍ପଣ କରିଥିଲେ ।
Report : Bijay ku sahu
Edited by k.s thakur...
Comments
Post a Comment