ଲାଭଜନକ ଚିନିକଳକୁ ବିକ୍ରି କରିବାରୁ କ୍ଷାନ୍ତ ରୁହନ୍ତୁ ସରକାର: ଆପ୍
ଲାଭଜନକ ଚିନିକଳକୁ ବିକ୍ରି କରିବାରୁ କ୍ଷାନ୍ତ ରୁହନ୍ତୁ ସରକାର: ଆପ୍ ...
Ad..
ସରକାରଙ୍କ ଏହି ଜନ ବିରୋଧି ନିଷ୍ପତ୍ତି ବରଗଡ ବାସୀଙ୍କୁ ବ୍ୟଥିତ କରିଛି ବୋଲି ଜିଲ୍ଲା ଆବାହକ ଭବାନୀ ସାହୁ କହିଛନ୍ତି । ଏକ ଲାଭ ଜନକ ଶିଳ୍ପ ଭାବେ ବରଗଡ଼ ଚିନି ମିଲ ର ବହୁତ ଖ୍ୟାତି ରହିଆସିଛି । ଏକ ଲକ୍ଷ ରୁ ଅଧିକ ମେଟ୍ରିକ ଟନ୍ ଆଖୁ ପେଡିବାର ରେକର୍ଡ ଏହି ମିଲ କରି ସାରିଛି ।
ଲକ୍ଷାଧିକ ଲୋକଙ୍କ ରୋଜଗାର ର ସାଧନ ହୋଇ ଆସିଥିବା ଏହି ଫ୍ୟାକ୍ଟ୍ରି ର ବଜାର ମୂଲ୍ୟ ବର୍ତ୍ତମାନ ସମୟରେ ୩୦୦ କୋଟି ଟଙ୍କାରୁ ଉର୍ଦ୍ଧ୍ବ ହୋଇଥିବା ବେଳେ ଏହା ସହିତ ଜଡିତ ଡିଷ୍ଟିଲେରୀ ୟୁନିଟ ମଧ୍ୟ ବେଶ ଲାଭ ଦାୟକ ।
ଏହାକୁ ପୁନଃରୁଦ୍ଧାର କରିବା ପାଇଁ ୨୦୧୮-୧୯ ମସିହାରେ ବରଗଡ଼ ଗସ୍ତରେ ଆସି ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋହେଲା ଇଛାପାଲିରେ ଚିନିକଳ ପାଇଁ ୧୧ କୋଟି ଟଙ୍କାର ପ୍ୟାକେଜ ଘୋଷଣା କରିଥିଲେ କାରଣ ସରକାର କୁ ଏହା ଜଣା ଯେ ଉକ୍ତ ସଂସ୍ଥା ଟି ଲାଭ ଜନକ ଅଟେ ।
ପୂର୍ବରୁ ସଚିବ ଓ ମନ୍ତ୍ରୀ ସ୍ତରୀୟ ବୈଠକ ହୋଇ ବରଗଡ଼ ସମବାୟ ଚିନିକଳକୁ ଉଦ୍ଧାର କରିବାକୁ ସବୁଜ ସଙ୍କେତ ଦେଇ ସାରି ଥିଲେ କିନ୍ତୁ କେଉଁ କାରଣ ରୁ ଏହାକୁ ବିକ୍ରି କରିବାକୁ ସରକାର ନିଷ୍ପତ୍ତି ନେଲେ ତାହା ବରଗଡ଼ବାସୀଙ୍କ ବୁଝିବା ବାହାରେ ।
ଏହି ପ୍ଲାଣ୍ଟ କୁ କାର୍ଯ୍ୟକ୍ଷମ କରି ଆମ ଅଂଚଳରେ ବ୍ୟାପକ ଆଖୁ ଚାଷ କୁ ପ୍ରୋତ୍ସାହନ ନିମନ୍ତେ ପଦକ୍ଷେପ ଗ୍ରହଣ କରାଯାଉ ଏବଂ ସମସ୍ତ କର୍ମଚାରୀ ଙ୍କ ବକେୟା ପ୍ରାପ୍ୟ ପ୍ରଦାନ କରି ବରଗଡ଼ ର ପୂର୍ବ ଗୌରବ କୁ ଫେରାଇ ଆଣନ୍ତୁ ବୋଲି ଆମ୍ ଆଦମୀ ପାର୍ଟି ଦାବୀ କରିଛି ।
ରାଜ୍ୟ ସମ୍ପାଦକ ଅମିତାଭ ପାତ୍ର, ଜିଲ୍ଲା ଯୁଗ୍ମ ସମ୍ପାଦକ ଅବିନାଶ ବାଗ, ଅତାବିରା ନିର୍ବାଚନ ମଣ୍ଡଳୀ ର ସଂଯୋଜକ ଜୟ କ୍ରିଷ୍ଣା ଛୁରିଆ, ଯୁବ ନେତା ସୁବଳ କହର ଉପସ୍ଥିତ ଥିଲେ।
(Report : Bijay ku sahu)
Edited by k.s thakur...
Comments
Post a Comment