ଭିଣୋଇଙ୍କୁ ଅପହରଣ କରିବା ସହ ମାଡ଼ ମାରିବା ଅଭିଯୋଗରେ ଜଣେ ପୋଲିସ ବାବୁ ଗିରଫ...
ଭିଣୋଇଙ୍କୁ ଅପହରଣ କରିବା ସହ ମାଡ଼ ମାରିବା ଅଭିଯୋଗରେ ଜଣେ ପୋଲିସ ବାବୁ ଗିରଫ...
Ad..
ବଡମ୍ବା ଥାନାରେ ଅପହରଣ ମାମଲାରେ ମାମଲା ରୁଜୁ କରିବା ସହିତ ପୁଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି।ଅଭିଯୋଗ ଅନୁସାରେ, ବଡ଼ମ୍ବା ଥାନା ଅନ୍ତର୍ଗତ ରଗଡିପଡା ଗ୍ରାମର ଚିତ୍ତ ରଂଜନ ନାୟକ ନରସିଂହପୁର ବ୍ଲକ୍ର ଚମ୍ପେଶ୍ବର ଗ୍ରାମର ଅନୁପମାଙ୍କୁ ବିବାହ କରିଥିଲେ।
୨୦୧୯, ମେ ୧୮ତାରିଖରେ ଉଭୟଙ୍କ ବିବାହ ହୋଇଥିଲା। ତେବେ ବିବାହ ପରେ ଅନୁପମାଙ୍କୁ ଯୌତୁକ ପାଇଁ ନିର୍ଯାତନା ଦିଆଯାଉଥିବା ସଂପର୍କରେ ଅନୁପମାଙ୍କ ବାପଘର ଲୋକଙ୍କ ଅଭିଯୋଗ କ୍ରମେ ଗତବର୍ଷ ଜୁନ ମାସରେ ମାମଲା ରଜୁ ହୋଇଥିଲା।
ତେବେ ଘଟଣାରେ ଆପୋସ ବୁଝାମଣା ପାଇଁ ଉଭୟ ପରିବାରବର୍ଗଙ୍କ ମଧ୍ୟରେ କଥାବାର୍ତ୍ତା ଚାଲିଥିବାବେଳେ ପୁଅ ଘର ପରିବାର ଏଥିରେ ରାଜି ହେଉନଥିବା କୁହାଯାଉଛି।
ଏଭଳି ସ୍ଥିତିରେ ଗତକାଲି ଅନୁପମାଙ୍କ ଭାଇ ତଥା ପୁରୀ କୁମ୍ଭାରପଡା ଥାନା ସବ୍ଇନ୍ସପେକ୍ଟର ଚିତ୍ତରଂଜନ ଦାସ ଭିଣୋଇଙ୍କୁ ତାଙ୍କ ରଗଡିପଡାସ୍ଥିତ ଘରୁ ଅପହରଣ କରିନେଇ ମାଡପିଟ କରିଥିବା ସଂକ୍ରାନ୍ତରେ ବଡମ୍ବା ଥାନାରେ ଅଭିଯୋଗ ହୋଇଥିଲା। ପୁଲିସ ମାମଲା ରୁଜୁ କରି ଘଟଣାର ତଦନ୍ତ କରିବା ସହିତ ଚିତ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।
Edited by k.s thakur...
Comments
Post a Comment